រាជធានីភ្នំពេញ ៖ បុរសបរទេសពីរនាក់ (មានឥណ្ឌាម្នាក់ និងស្រីលង្កាម្នាក់) ក្នុងចំណោមបក្សពួក៣នាក់ ត្រូវបានកម្លាំងនគរបាលការិយាល័យព្រហ្មទណ្ឌកំរិតស្រាលរាជធានីភ្នំពេញ (ផ្នែកមជ្ឈឹម២) ដឹកនាំដោយលោកវរសេនីយ៍ឯក ប៊ុន សត្យា សហការពីសំណាក់គ្រឹះស្ថានមីក្រូហិរញ្ញវត្ថុប្រាសាក់ ធ្វើការបង្ក្រាបនិងឃាត់
ខ្លួននៅផ្ទះជួលរបស់ពួកគេ ដែលក្រុមនេះ តែងតែធ្វើសកម្មភាពលួចប្រាក់តាមទូ ATM នៅតាមទីសារធារណៈជាច្រើនលើក កាលពីពេលកន្លងមក ។ ប្រតិបត្តិការនេះ ធ្វើឡើងកាលពីវេលាម៉ោង១០ និង៣០នាទីព្រឹកថ្ងៃទី២៩ កញ្ញា នៅក្នុងបន្ទប់ជួលជាន់ទី២ ផ្ទះលេខ១៦៨ ផ្លូវលេខ ១៦៧ ក្នុងសង្កាត់ទួលទំពូងទី២ ខណ្ឌចំការមន។
តាមប្រភពឱ្យដឹងថា ក្រុមជនសង្ស័យជាចោរអន្តរជាតិដែលឃាត់ខ្លួនទាំង២នាក់នេះ ១-ឈ្មោះCHANDHRA KHANTH អាយុ ៣០ឆ្នាំ ជនជាតិឥណ្ឌា ជាអ្នកជំនួញ និង២-ឈ្មោះ THANA RAN ជនជាតិស្រីលង្កា អាយុ៣០ឆ្នាំ ជាអ្នកជំនួញ ស្នាក់នៅបន្ទប់ជួលជាន់ទី២ ក្នុងផ្ទះល្វែងខាងលើ ។ ដោយមានការសហការអំពីសំណាក់គ្រឹះស្ថានហិរញ្ញវត្ថុប្រាសាក់ ជាមួយនិងកម្លាំងនគរបាលការិយាល័យព្រហ្មទណ្ឌកំរិតស្រាលរាជធានីភ្នំពេញ(ផ្នែកមជ្ឈឹម២) ដោយធ្វើការស្រាវជ្រាវរហូតឈានដល់ការឃាត់ខ្លួន ។
ក្រោយពីធ្វើការឆែកឆេកន្លែងស្នាក់នៅក្នុងបន្ទប់ជាន់ទី២ផ្ទះល្វែងខាងលើ របស់ក្រុមជនសង្ស័យទាំង២នាក់អស់រយៈពេលជិត ៣ម៉ោងរួចមក ពួកគេទាំងពីរនាក់ រួមទាំងវត្ថុតាងមួយចំនួនធំដែលបានរកឃើញ បានបញ្ជូនទៅកាន់ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ(ផ្នែកមជ្ឈឹម២) ដើម្បីចាត់ការទៅតាមផ្លូវច្បាប់ និងកំពុងតែធ្វើការស្រាវជ្រាវរកចាប់ខ្លួនបក្សពួកម្នាក់ទៀតផងដែរ ។
ប្រភព : កោះសន្តិភាព
Hello, my name is Vibol Prak. I'm a 25 year old self-employed Pirate from the Caribbean.