រថយន្តហុីយ៉ានដាយបើកធ្លាក់ទឹកក្រឡាប់ផ្ងាជើងផ្អើលទាំងព្រលឹមនៅស្រុកស្ទឹងហាវ

ព្រះសីហនុ៖ រថយន្តដឹកភ្ញៀវរបស់សណ្ឋាគារខ្សាច់មាសក្រឡាប់ផ្ងាជើងធ្លាក់ទឹកលូដោយខ្លួនឯងបង្ករការភ្ញាក់ផ្អើលកាលពីវេលាម៉ោង៧និង១៥នាទីព្រឹក ថ្ងៃទី២៨ ខែកញ្ញា ឆ្នាំ២០១៧ នៅជិតស្ថានីយ៍ស្តុកប្រេងឥន្ធនៈសូគីមុិច ស្ថិតក្នុងឃុំអូត្រេះ ស្រុកស្ទឹងហាវ ខេត្តព្រះសីហនុ។ប្រភពពត៌មានបានអោយដឹងថា មុនកើតហេតុរថយន្តរងគ្រោះ ដែលជារថយន្ត១២កៅអី ម៉ាកហុីយ៉ានដាយ ពណ៌ខ្មៅ ពាក់ស្លាកលេខ ព្រះសីហនុ 2B-7666 បានធ្វើដំណើរមកពីដឹកជនជាតិចិននៅរោងចក្រអគ្គីសនៅធ្យូងថ្ម លុះមកដល់កន្លែងកើតហេតុ មានសត្វគោមួយហ្វូងឆ្លងកាត់ថ្នល់ទើបធ្វើអោយអ្នកបើកបរវ៉ាក់អឺ ហើយរេចង្កូតធ្លាក់ទឹកក្រឡាប់ផ្ងាជើងបែបនេះ។ អ្នកបើកបររថយន្តខាងលើមានឈ្មោះ ផែង រត្ថា ភេទប្រុស អាយុ២១ឆ្នាំ រងរបួសបន្តិចបន្តួច។
ក្រោយកើតហេតុ ម្ចាស់រថយន្តបានហៅរថយន្តស្ទូចមកស្ទូចយករថយន្តទៅជួសជុលដោយខ្លួនឯង៕












ប្រភព៖​​ Khmer Note