ទាហានម៉ារីនអាមេរិកជាង១.២០០នាក់ ចាប់ផ្តើមមកដល់ភាគខាងជើងអូស្ត្រាលីកាលពីថ្ងៃទី១៨ មេសា ក្នុងក្របខណ្ឌនៃការដាក់ពង្រាយរយៈពេល៦ខែ ដើម្បីចូលរួមក្នុងសមយុទ្ធយោធារួមជាមួយអូស្ត្រាលី និងចិន ។
នេះជាកម្មវិធីប្រចាំឆ្នាំផ្តួចផ្តើមដោយលោកបារ៉ាក់ អូបាម៉ា កាលពីឆ្នាំ២០១១ ដែលជាផ្នែកមួយនៃយុទ្ធសាស្ត្ររបស់លោកអូបាម៉ា នៅអាស៊ីសម្រាប់ធ្វើឱ្យមានតុល្យភាពនៃកម្លាំងប្រឈមមុខនឹងវត្តមានកាន់តែខ្លាំងឡើងរបស់ចិនក្នុងតំបន់ ។
ពេលកងទាហានទាំងនេះមកដល់ទីក្រុង DARWIN ភាគខាងជើងអូស្ត្រាលីវរសេនីយ៍ឯក BRIAN MIDDLETON ថ្លែងនាថ្ងៃទី១៨ មេសា ថា បេសកកម្មនេះបង្ហាញពីសារសំខាន់របស់តំបន់នោះសម្រាប់សហរដ្ឋអាមេរិក ។ កងទាហានម៉ារីនអាមេរិកនឹងចូលរួមក្នុងសមយុទ្ធសំខាន់មួយរួមជាមួយដៃគូចិន និងអូស្ត្រាលី ។
តាមបទបញ្ជារបស់ប្រធានាធិបតីអាមេរិកលោកដូណាល់ ត្រាំ កងនាវាចម្បាំងមួយកងនាំមុខដោយនាវាផ្ទុកយន្តហោះ CARL VINSON ដែលត្រូវធ្វើដំណើរឆ្ពោះទៅអូស្ត្រាលី បានផ្លាស់ប្តូរទិសដៅ ហើយបើកឆ្ពោះទៅកាន់ឧបទ្វីបកូរ៉េ ជាសញ្ញានៃការបង្ហាញសាច់ដុំរបស់ក្រុងវ៉ាស៊ីនតោន ប្រឈមមុខនឹងរបបកូរ៉េខាងជើង ៕
ប្រភព៖ សន្តិភាព
Hello, my name is Vibol Prak. I'm a 25 year old self-employed Pirate from the Caribbean.