យោងតាម YONHAP ថា កូរ៉េខាងជើងនាថ្ងៃទី៨ មិថុនា បានបាញ់មីស៊ីលបណ្តែតប្រឆាំងនាវាជាច្រើនគ្រាប់ចេញពីឆ្នេរសមុទ្រខាងកើតរបស់ខ្លួន ។ នេះជាសេចក្តីរាយការណ៍របស់គណៈកម្មាធិការនាយសេនាធិការកងទ័ពកូរ៉េខាងត្បូងដែលបន្តថាមីស៊ីលទាំងនោះហោះហើរប្រមាណជា២០០គ.ម មុនពេលធ្លាក់ក្នុងសមុទ្រខាងកើត ។
យោងតាមគណៈកម្មាធិការនោះថា កូរ៉េខាងជើងបានបាញ់ នាព្រឹកថ្ងៃទី៨ មិថុនា នូវមីស៊ីលមិនស្គាល់ប្រភេទជាច្រើនគ្រាប់ហាក់ដូចជាមីសីលបណ្តែតដី-សមុទ្ររយៈខ្លីសំដៅទៅសមុទ្រខាងកើតចេញពីតំបន់ជាយក្រុង WONSAN ខេត្ត KANGWON ។ មីស៊ីលទាំងនោះអាចហោះហើរចម្ងាយប្រមាណជា២០០គ.មហើយកូរ៉េខាងត្បូងនិងសហរដ្ឋអាមេរិកកំពុងតែធ្វើការវិភាគដោយលម្អិត ។ បណ្តាព័ត៌មានដែលទាក់ទិនត្រូវបានរាយការណ៍ភ្លាមៗដល់ប្រធានាធិបតីលោក MOON JAE IN ។ កងទ័ពកូរ៉េខាងត្បូងបានពង្រឹងការត្រួតពិនិត្យហើយប្រុងប្រយ័ត្នប្រឈមនឹងការបង្កហេតុថ្មីៗរបស់កូរ៉េខាងជើងដោយត្រៀមទប់ទល់រាល់យថាភាព ។
នេះជាការបង្កហេតុលើកទី៥របស់កូរ៉េខាងជើងចាប់តាំងពីប្រធានាធិបតីថ្មីកូរ៉េខាងត្បូងលោក MOON ចូលកាន់តំណែងមក ។ ចំណែកលោក MOON បង្ហាញពីឆន្ទៈរបស់លោកសម្រាលភាពតានតឹងខាងយោធាហើយកែលម្អទំនាក់ទំនងអន្តរកូរ៉េ ។
ការបាញ់មីស៊ីលនាពេលនោះធ្វើឡើង១០ថ្ងៃបន្ទាប់ពីកូរ៉េខាងជើងបាញ់សាកល្បងមីស៊ីលធុន SCUD មួយចេញពីតំបន់ដដែលនោះ កាលពីថ្ងៃទី២៩ ឧសភា ។
ពួកអ្នកឯកទេសធ្វើការវិភាគថា ការបាញ់សាកមីស៊ីលប្រឆាំងនាវានាពេលនេះ ក្រោយការបាញ់សាកមីស៊ីបាលីស្ទីកដី-សមុទ្រមានឧបករណ៍ទម្រង់គឺដើម្បីប្រឈមមុខនឹងបណ្តានាវាចម្បាំងរបស់កងម៉ារីនកូរ៉េខាងត្បូងនិងសហរដ្ឋអាមេរិកក្នុងនោះមាននាវាផ្ទុកយន្តហោះអាមេរិកផង ។
ក្រុងព្យុងយ៉ាងកំពុងតែអភិវឌ្ឍបណ្តាមីស៊ីលដី-សមុទ្ររយៈឆ្ងាយនិងបាញ់ត្រង់បំផុតដើម្បីកម្ទេចបណ្តានាវាចម្បាំងកូរ៉េខាងត្បូងនិងអាមេរិកដែលធ្វើប្រតិបត្តិការពីចម្ងាយ ៕
ប្រភព៖ សន្តិភាព
Hello, my name is Vibol Prak. I'm a 25 year old self-employed Pirate from the Caribbean.